Ambasadorja Kim takon hetuesit e rinj të BKH-së

Ambasadorja Yuri Kim, është takuar ditën e sotme me hetuesit e rinj të Byrosë Kombëtare të Hetimit, të cilët janë në përfundim të trajnimit të tyre.

Përmes një postimi në Twitter, ambasadorja Kim vlerësoi punën e tyre si shumë të rëndësishme dhe të vështirë, ndërsa konsideroi të sigurt suksesin.

Met today w/first NBI Investigators, who are completing training. Their job is important & difficult, but they will succeed. The people of 🇦🇱 are counting on them; their families are proud of them; 🇺🇸 will strongly support them in the fight against corruption & organized crime.

— Ambassador Yuri Kim (@USAmbAlbania) July 1, 2021

 Ambasadorja shprehu përmes shkrimit në faqen zyrtare se Shtetet e Bashkuara të Amerikës do t’i mbështesin fuqimisht hetuesit e BKH-së në luftën kundër korrupsionit dhe krimit të organizuar.

Nga 325 kandidatë pjesëmarrës, u kualifikuan 210 për t’u bërë pjesë e Byrosë Kombëtare të Hetimit, nga ku 28 prej tyre kaluan fazën përfundimtare të garës

BKH, e cila plotëson strukturën e SPAK, nuk është ngritur ende për shkak të vonesave në përzgjedhjen e hetuesve, ndërsa kreu i SPAK, Arben Kraja, ka deklaruar më parë se ata do të jenë gati të nisin punën në muajin gusht, nën drejtimin e prokurorëve të Prokurorisë së Posaçme.

LEXONI GJITHASHTU: 

• Ambasadorja Yuri Kim: Reforma në drejtësi duhet të vijojë, ta bëjmë atë realitet
• Ambasadorja Yuri Kim inkurajon SPAK-un për rezultate të reja
• SHBA dhuron 1 mln dollarë pajisje mjekësore, Yuri Kim: Ne përkujdesemi për popullin shqiptar