Ambasadorja Kim takon ministrin Çuçi: E kënaqur që ka urdhëruar hetimet mbi mënyrën e trajtimit të protestuesve

Ambasadorja e Shteteve të Bashkuara të Amerikës në vendin tonë zhvilloi sot një takim me ministrin e ri të Brendshëm Bledi Çuçi.

Përmes një postimi në Twitter ambasadorja bën me dije se në takim ka shprehur kënaqësinë që nga ana e ministrit Çuçi janë urdhëruar hetime për mënyrën e trajtimit të protestuesve gjatë protestave të fundit që shoqëruan vrasjen e 25-vjeçarit Klodian Rasha nga një efektiv i forcave ‘Shqiponja’, teksa shton se e drejta për të protestuar paqësisht duhet respektuar.

“Më erdhi mirë që dëgjova se ai ka urdhëruar hetime mbi mënyrën e trajtimit të protestuesve. E drejta për protesta paqësore duhet respektuar. Diskutuam edhe lidhur me rolin e Ministrisë së Brendshme në zgjedhje.

Ramë dakord të forcojmë bashkëpunimin shqiptaro-amerikan në siguri dhe forcimin e shtetit ligjor”, shkruan ambasadorja Kim.

Met w/@bledicuci to wish success as Min of Interior. Good to hear he ordered investigations into treatment of protestors. Right of peaceful protest must be respected. Also discussed role of MOI in elections. We agreed to strengthen ???? cooperation on security & law enforcement.

— Ambassador Yuri Kim (@USAmbAlbania) December 23, 2020