Ambasadorja Kim: Reforma në drejtësi do të përmirësojë klimën e biznesit

Ambasadorja Yuri Kim shkroi në Twitter se ndjekja e vazhdueshme e çështjeve të drejtësisë do të përmirësojë dhe klimën e biznesit në Shqipëri.

Reagimi erdhi pas raportit të Dhomës Amerikane të Tregtisë që sugjeroi se “aktualisht në Shqipëri është niveli më i ulët i biznesit që nga vitit 2012”.

There is a direct connection between rule of law and business. Clear rules (including final resolution of property rights), clean courts & consistent prosecution of corruption will attract more 🇺🇸 investment & give more Albanians a fair shot at prosperity. https://t.co/x5JM3ka2gW

— Ambassador Yuri Kim (@USAmbAlbania) September 8, 2021

Sipas Kim ka një lidhje të drejtpërdrejtë mes ligjit dhe biznesit. Ambasadorja theksoi se rregullat, zgjidhja përfundimtare e të drejtave të pronësisë, pastrimi i gjykatave dhe lufta ndaj korrupsionit do të bëjë që shumë investitorë nga SHBA ta shohin Shqipërinë si mundësi për të bërë biznes.

Në raportin e Dhomës Amerikane të Tregtisë sugjerohet që qeveria të heqë dorë nga burokracitë dhe të krijojë një klimë të favorshme për investitorët e huaj.

Më vonë Kim njoftoi se kishte zhvilluar takim me drejtuesin e SPAK, Arben Kraja. Në një postim, po në Twitter, ambasadorja tha se i kishte nënvizuar Krajës pritshmëritë që ka SHBA për punën e SPAK.

“Takova drejtuesin e SPAK, Arben Krajën, për t’i nënvizuar pritshmëritë e SHBA-së dhe shqiptarëve që SPAK të hetojë korrupsionin dhe krimin e organizuar, pavarësisht fuqisë, pasurisë, apo përkatësisë së të dyshuarve,” – tha Kim.

Ambasadorja thotë se me më tepër prokurorë dhe hetues të BKH-së, SPAK do mund të japë edhe më tepër rezultate. Ajo shtoi për këtë disa shifra nga puna e SPAK – 264 çështje, 127 të dënuar dhe 70 milionë euro konfiskime nga hetimet e këtij viti.

2/2 Since start of 2021, SPAK has opened 264 new cases (218 corruption + 46 org crime). 127 persons have been convicted. Final court rulings confirmed confiscation of €70+ million that has now been transferred to the Albanian state. Step by step…

— Ambassador Yuri Kim (@USAmbAlbania) September 8, 2021

LEXONI GJITHASHTU: 

• Niveli më i ulët i biznesit që nga 2012, thotë Dhoma Amerikane e Tregtisë