Ambasadorja Yuri Kim përshëndet miratimin e ndryshimeve në Kodin Penal për krimet zgjedhore

Në seancën e fundit plenare për 2020-n, Parlamenti i Shqipërisë miratoi ndryshimet në Kodin Penal për hetimin e krimeve zgjedhore, duke i vënë vulën të gjitha ndryshimeve në kuadër të reformës zgjedhore.

Kalimi i ndryshimeve nga Parlamenti është përshëndetur nga ambasadorja e Shteteve të Bashkuara të Amerikës në Tiranë, Yuri Kim.

Me një shënim në “twitter”, kryediplomatja thotë se SHBA-ja do të mbështesë një proces transparent, i cili garanton mbajtjen dhe zhvillimin e zgjedhjeve të lira në Shqipëri. 

Today, in final session for 2020, Parliament approved amendments to Criminal Code, completing codification of 6/5 agreement of Political Council on electoral reform. ?? will continue to strongly support a transparent & inclusive process that leads to free & fair elections 4/25.

— Ambassador Yuri Kim (@USAmbAlbania) December 23, 2020

“Sot, në seancën përfundimtare për vitin 2020, Parlamenti miratoi ndryshimet në Kodin Penal, duke përfunduar kodifikimin e marrëveshjes s 5 qershorit të Këshillit Politik mbi reformën zgjedhore. SHBA do të vazhdojë të mbështesë fuqimisht një proces transparent dhe gjithëpërfshirës që çon në zgjedhje të lira dhe të ndershme më 25 prill”, shkruan ambasadorja Kim.

Ky ndryshim në Kodin Penal ishte një nga tetë ligjet e famshme që u vendosën në Këshillin Politik më 5 qershor përmes të cilave i jepen kompetenca SPAK-ut për hetimin e krimeve zgjedhore dhe mbrojtje denoncuesve të krimeve në fjalë.

Lexoni gjithashtu:

Parlamenti miraton ndryshimet në Kodin Penal për hetimin e krimeve zgjedhore