Ambasadorja Kim: Qëndrojmë pranë Shqipërisë në luftën ndaj krimit të organizuar

Shtetet e Bashkuara të Amerikës do të qëndrojnë në krah të Shqipërisë në lutën kundër krimit të organizuar dhe korrupsionit.

Kështu bëri me dije ambasadorja Yuri Kim në fjalën e mbajtur në Seminarin e OSBE-së mbi “Adresimin e Krimit të Organizuar dhe Korrupsionit nëpërmjet Ripërdorimit të Pasurive Kriminale të Konfiskuara.

Ajo  theksoi mbështetjen e drejtëprëdrejtë për qeverinë dhe shoqërinbë civile me qëllim që të sigurohet qeverisje e mirë dhe sundim i shëndetshëm i ligjit.

“Qeveria e SHBA qëndron në krah të popullit shqiptar në luftën tuaj kundër krimit të organizuar dhe korrupsionit.

Ne do të vazhdojmë të punojmë drejtpërdrejtë me ju, me qeverinë dhe shoqërinë tuaj civile, dhe nëpërmjet partnerëve të çmuar si OSBE, për t’u përballur me këtë kërcënim kriminal së bashku dhe për të siguruar qeverisjen e mirë dhe sundimin e shëndetshëm të ligjit që vendi meriton”, bëhet me dije përmes një postimi në rrjetet socilae nga ambasada.