Ambasadorja Yuri Kim reagon për deklaratën e kandidatit për deputet të PD-së

Ambasadorja Yuri Kim, reagoi nëpërmjet një postimi në faqen zyrtare në Twitter ku u shpreh se ndihej mirë për faljen që kërkoi kandidati i Partisë Demokratike në Dibër, Xhelal Mziu.

Ajo sqaroi se ngjarja e ndodhur në Elbasan, ku mbeti i vrarë një person dhe katër të plagosur, mes të cilëve dhe një efektive policie nuk duhet të përsëritet më.

Sipas Yuri Kim, personat që janë të armatosur dhe patrullojnë rrugët në emër të partive i përkasin të shkuarës që siç tha ambasadorja është një e shkuar e errët që duhet ta refuzojmë.

Good to see clear apology out of Dibra. The violence inflicted on Elbasan this week cannot be justified, must not be repeated. The days of armed groups wearing the patch of any political party & “patrolling” the streets belong in the past – ugly past that all of us must reject.👇

— Ambassador Yuri Kim (@USAmbAlbania) April 23, 2021

Kryesuesi i listës së PD-së në Dibër, Mziu gjatë një takimi elektoral deklaroi se qytetarët duhet të raportojnë te Strukturat e Mbrojtjes së Votës për çdo person të dyshimtë që lëviz në lagjet e tyre, teksa theksoi se nëse ka informacione për persona të tillë që tentojnë vjedhjen e votës, do ta pësojnë njësoj si në rastin e Elbasanit.

LEXONI GJITHASHTU:

• “Çdo person i dyshimtë do e pësojë si ai i Elbasanit”, Mziu shfaq shenja pendese për deklaratën para demokratëve
• Policia arreston 11 persona për përplasjen me armë në Elbasan