Ambasadorja Yuri Kim takon anëtarët e KPK: E mbështesim fuqimisht për hir të drejtësisë

Ambasadorja e Shteteve të Bashkuara të Amerikës në Tiranë, Yuri Kim, ka zhvilluar sot një takim me Komisionin e Pavarur të Kualifikimit.

Lajmi bëhet i ditur nga vetë kryediplomatja e SHBA me një shënim në rrjetin social “Twitter”. Ajo thekson se ka falënderuar këtë institucion për punën e bërë deri tani, pavarësisht vështirësive që ka hasur për shkak të pandemisë së Covid-19.

 Ambasadorja Yuri Kim thotë se Shtetet e Bashkuara të Amerikës e mbështesin fuqimisht pavarësinë dhe integritetin e Komisionit të Pavarur të Kualifikimit ”për hir të drejtësisë”. 

I had a frank meeting w/Independent Qualification Comm about pressure & challenges they face. I thanked them for their work this past year, which continued despite Covid. ?? strongly supports – in fact we insist on – independence & integrity of IQC for the sake of justice in ??.

— Ambassador Yuri Kim (@USAmbAlbania) December 28, 2020

“Pata një takim me Komisionin e Pavarur të Kualifikimit, ku folëm hapur mbi presionin dhe sfidat që iu duhet të përballojnë. I falënderova për punën këtë vit, që vazhdoi pavarësisht Covid. SHBA mbështet – madje këmbëngul për – pavarësinë dhe integritetin e KPK në emër të drejtësisë në Shqipëri”, shprehet ambasadorja Kim.

Kryediplomatja e SHBA ka qenë një zë aktiv në lidhje me zhvillimet e ndodhura në Shqipëri sa i përket fushës së drejtësisë dhe zbatimit të ligjit.

Zonja Kim ka nxitur vazhdimisht autoritetet në Shqipëri për të bërë funksionale organin e Gjykatës Kushtetuese brenda 2020, gjë e cila ndodhi pak ditë më parë pas emërimit nga presidenti Meta të Përparim Kalos si anëtar i gjashtë i saj. 

Tashmë Gjykata Kushtetuese ka plotësuar kuorumin e saj prej gjashtë anëtarësh, ndërsa deri në kompletimin e saj të plotë duhet të zgjidhen edhe tre të tjerë.

Lexoni gjithashtu: 

Ekskluzive/ Ambasadorja Yuri Kim: Gjykata Kushtetuese është funksionale, mos u shpërqendroni nga propaganda dhe konspiracionet

Meta dekreton anëtarin e 6-të, Gjykata Kushtetuese bëhet funksionale

Parlamenti voton me 96 vota pro anëtarin e pestë të Gjykatës Kushtetuese

Manjani: Rreziku që i kanoset Shqipërisë nga një Gjykatë Kushtetuese me 6 anëtarë