American Airlines planifikon të rifillojë fluturimet drejt Venezuelës disa javë pas sulmeve në Karakas

American Airlines tha të enjten se planifikon të rifillojë fluturimet e përditshëm për në Venezuelë. Fluturimet do të rinisin pas miratimit të qeverisë dhe në varësi të vlerësimeve të sigurisë disa javë pasi ushtria amerikane kapi udhëheqësin e Venezuelës, Nicolas Maduro.

Presidenti i SHBA-së, Donald Trump më herët të enjten i kërkoi Departamentit të Transportit të heqë kufizimet që aktualisht ndalojnë fluturimet në SHBA, pas një diskutimi me presidenten në detyrë të vendit, Delcy Rodriguez.

“Qytetarët amerikanë do të jenë shumë shpejt në gjendje të shkojnë në Venezuelë dhe do të jenë të sigurt atje”, tha Trump.

American Airlines, e cila filloi të operonte në Venezuelë në vitin 1987, tha se fluturimet do të ofrojnë mundësi për udhëtime biznesi, argëtimi dhe humanitare në rajon. Ishte linja ajrore më e madhe amerikane në vend përpara pezullimit të fluturimeve.

Administrata Federale e Aviacionit do të duhet të kryejë vlerësime para rifillimit të fluturimeve, të cilat nuk ka gjasa të fillojnë për disa muaj.