Mbi 40 gradë celsius, korriku mbyllet me ditë të nxehta e temperatura ekstreme

Meteorologu Hakil Osmani në një lidhje live për Euronews Albania ka dhënë jep një pasqyrë të detajuar të situatës së motit dhe temperaturave ekstreme që po përfshijnë Shqipërinë gjatë kësaj fundjave të korrikut, si dhe parashikimin për ditët në vijim.

Osmani shpjegon se zonat më të nxehta janë qarqet e Elbasanit dhe Beratit ku pritet të shënojnë vlerat më të larta, shumë pranë 42°C.

Qytetet e tjera kryesore si Tirana, Gjirokastra dhe Shkodra do të jenë gjithashtu shumë nxehtë, me temperatura që pritet të arrijnë rreth 41°C.

Në vijën bregdetare temperaturat do të luhaten nga 37 deri në 39°C, ndërsa në zonat malore do të shkojnë deri në 38°C. Zonat më të freskëta mbeten pjesërisht në lindje dhe juglindje me maksimume nga 32 deri në 34°C .