Analistët diskutojnë mbi mundësinë e hapjes së negociatave me BE

Nëse Komisioni Evropian do të merret parasysh si rekomandim nga samiti i liderëve evropianë, mund të shkojmë drejt çeljes së bisedimeve të Shqipërisë me Bashkimin Evropian. Këtë mundësi të Shqipërisë, analistët në studion e “Ilva Now” e kanë komentuar, duke thënë gjithashtu nëse kjo do të ndikonte në situatën aktuale politike në Shqipëri, pas zgjedhjeve të 25 prillit.

Ylli Manjani tha se për hapjen e negociatave se do të sillte vetëm përfitime për të gjitha palët politike, por edhe për ekonominë dhe Shqipërinë në tërësi.

“Shqipërisë i bën mirë hapja e negociatave, akoma më tepër nën kërcënimit politik të Lindjes edhe Turqisë. Ne kemi nevojë për një dritare shumë të madhe që është dritarja e BE. Vetëm mirë u bëhet të gjitha palëve”, tha Ylli Manjani.

Gerta Meta, tha nga ana tjetër se mundësia e hapjes së negociatave është një hap pozitiv, mirëpo sipas saj, paraprakisht duhen ndërmarrë hapa për të hetuar mbi transparencën e zgjedhjeve të 25 prillit, duke përfshirë këtu edhe rishikimin e votave të pavlefshme.

“Është mesazh pozitiv. Reforma zgjedhore është një reformë që nuk u mbajt e premtuar sikur u tha. Sistemi zgjedhor duhet riparë. Duhet parë edhe cilat ishin shkaqet reale për pasjen e pavlefshmërisë së fletëve”, tha Gerta.

Endrit Shabani, nga Nisma Thurje, tha se hapja e negociatave me Shqipërinë është një procedurë që BE për arsye të brendshme duhet të ndërmarrë këtë periudhë.

“BE po nxiton për të mos e mbyllur një herë e përgjithmonë këtë derë, pasi ka zhvillime politike edhe atje”, tha Endrit Shabani.

Ndërsa Aleksandër Çipa tha se nisja e bisedimeve me BE e nënshtron klimën politike ndaj një auditori të ri dhe më të faktorizuar se ç‘është momentalisht.