Analisti Meçe: SPAK është nën monitorim “të dhunshëm”

Analisti Arben Meçe tha në një intervistë për Euronews Albania se procesi i zgjedhjes së drejtuesit të ri të SPAK-ut tregoi se struktura nuk është më në dorë të qeverisë.

“Çdo përpjekje e qeverisë për ta futur në të gjitha planet, nën sqetullat e veta dështoi sepse procesi vërtetoi përfundimisht që ky SPAK ndodhet nën monitorim të plotë edhe të dhunshëm, dhe unë them që shyqyr që është i dhunshëm,”- u shpreh Meçe.

Ai u kthye në retrospektivë duke kujtuar ditën që u votua në parim gjithë paketa e ligjit për SPAK-un.

“Atë ditë të gjithë mediat jepnin informacion që te të gjithë deputetët pa përjashtim kishte vajtur një mesazh që ju kërkonte pa  kushte votimin dhe ai votim u bë 100%. Është votimi i parë në Republikën e Shqipërisë që pozita dhe opozita votojnë për krijimin e kësaj strukture,” – u shpreh Meçe.