Analistja Maliqi thotë se s’ka transparencë nga ana e qeverisë Kurti për takimin e nesërm në Bruksel

Analistja Afërdita Maliqi u shpreh në Euronews Albania se nuk ka ndonjë transparencë nga ana e qeverisë Kurti se çfarë do të diskutohet në takimin e nesërm në Bruksel me presidentin Aleksandër Vuçiç.

“Nuk ka ndonjë transparencë së çfarë do të diskutohet në takimin e nesërm nga qeveria Kurti. Pavarësisht presionit të opozitës dhe presionit të publikut, ne nuk kemi një program apo ide se çfarë Kurti do të parashtrojë në takimin dypalësh me ndërmjetësimin e BE-së që do të mbahet nesër në Bruksel”, u shpreh znj. Maliqi.

Sa i përket personave që pritet të shoqërojnë nesër Kurtin në këtë takim, ajo tha se zyrtarisht nuk ka asnjë informacion, por mund të jetë deputetja e VV-së, Vasfije Krasniqi.

“Zyrtare nuk ka kurrëgjë, por ne e dimë që një nga viktimat, apo që është dhunuar, e abuzuar seksualisht gjatë luftës është Vasfije Krasniqi, që është edhe deputete e parlamentit të Kosovës”, tha ajo.

Nesër, në Bruksel Albin Kurti do të ulet për herë të parë përballë presidentit të Serbisë Aleksandër Vuçiç, duke shënuar kështu dhe rinisjen e bisedimeve mes Kosovës dhe Serbisë.

Kryeministri Kurti, ka deklaruar se Kosova do të paraqitet në Bruksel si palë e barabartë me Serbinë.

LEXONI GJITHASHTU:

Një ditë përpara rinisjes së dialogut Kosovë-Serbi, Kurti takohet për herë të parë me Vuçiç

“Vizat, në këmbim të dialogut”, Von Cramon: Ndryshimi i kufijve do të ishte toksik

Skënder Hyseni: Dialogu me Serbinë mund të përmbyllet brenda 2021