“Analizë e thellë në gjithë strukturat e PD-së”, Dhurata Çupi: Nuk kemi qëllim të largojmë njeri

Dhurata Çupi, deputete e zgjedhur e Partisë Demokratike foli për aktivitetin e partisë që këtë verë nuk do të ketë “pushime”.

Ajo përmendi se do të ketë strukturime të PD-së në efekt të përmirësimit të punës dhe një analizë të thellë të gjithë strukturave.

Sipas Çupit, jemi në kushtet kur partia në pushtet po Lufton për të mbajtur pushtetin dhe nuk ka më standard, e ndërsa përmendi këtë fakt shtoi gjithashtu se nuk do të ketë asnjë tolerancë nga PD për “masakrën zgjedhore të 25 prillit” të cilën e cilësoi si një ditë kur nuk janë mbajtur zgjedhje të lira.

“Ne kemi bërë disa kallëzime në SPAK dhe presim përgjigje nga njëra anë, nga ana tjetër sigurisht ne duhet të jemi shumë objektiv. Ne duhet të kemi parasysh që edhe strukturat tona, ndoshta kanë çaluar diku”, tha deputetja.

Ndërsa, theksoi se analiza për të mbajtur përgjegjësitë është shumë e domosdoshme, Çupi bëri me dije se qëllimi nuk është të largojnë njerëz por të afrojnë sa më shumë të jetë e mundur.

LEXONI GJITHASHTU: 

• Burime për Euronews Albania: Partia Demokratike nuk do t’i njohë zgjedhjet
• Pse Basha nuk flet për hetimin e Metës? Erla Mëhilli: Çfarë më shqetëson tek Partia Demokratike
• Partia Demokratike pritet të kryejë analizë të thelluar për zgjedhjet e 25 prillit