Zgjidhen nëntë anëtarët e Këshillit të Emërimeve në Drejtësi për vitin 2021

Presidenca mbajti sot shortin e zyrtarëve të drejtësisë, të cilëve iu besua puna në Këshillin e vitit të ardhshëm për Emërimet në Drejtësi (KED).

Shorti përcaktoi si anëtarë:

1. Marsida Xhaferllari – nga Gjykata Kushtetuese
2. Elsa Toska – nga Gjykata Kushtetuese
3. Ervin Kupe – nga Gjykata e Lartë
4. Adnan Xholi – nga Prokuroria e Përgjithshme
5. Astrit Kalaja – nga Gjykatat e Apelit
6. Elona Toro – nga Gjykatat e Apelit
7. Gjon Fusha – përfaqësues nga Prokuroritë e Apeleve
8. Genti Xholi – përfaqësues nga Prokuroritë e Apeleve
9. Erinda Selimi – nga Gjykatat Administrative të Apelit

Kështu KED-ja e vitit të ardhshëm do të drejtohet nga Ervin Pupe, i cili si përfaqësues i Gjykatës së Lartë, dhe sipas formulës së kompozimit të Këshillit, do të jetë automatikisht drejtues i saj. 

Përveç nëntë anëtarëve shorti përcaktoi edhe gjashtë anëtarët zëvendësues, të cilët do të jenë:

1. Fiona Papajorxhi – nga Gjykata Kushtetuese
2. Ilir Panda – nga Gjykata e Lartë
3. Kujtim Luli – nga Prokuroria e Përgjithshme
4. Zeqine Sallaku – nga lista e kandidatëve të Gjykatës së Apelit
5. Kleanth Zeka – përfaqësues nga Prokuroritë e Apeleve
6. Gentiana Xhelili – nga Gjykatat Administrative të Apeleve

Këshilli ka rol kyç në vlerësimin e kritereve profesionale e morale të kandidatëve për vendet vakante të Gjykatës Kushtetuese.

Gazetari i Euronews Albania, Ervin Koçi theksoi faktin se përveç Fiona Papajorxhit, të gjithë anëtarët e tjerë janë të rinj në këtë Këshill dhe përzgjidhen për herë të parë.

KED-ja e vitit 2020 hasi në mjaft vështirësi, kryesisht pas përplasjeve që nxiti drejtimi i Këshillit nga Ardian Dvorani mes Kuvendit dhe Presidentit Ilir Meta, në lidhje me emërimet e anëtarëve të Gjykatës Kushtetuese, ku posti i Marsida Xhaferllarit u vu në diskutim nga Arta Vorpsi, kjo e fundit u pretendua se qe emëruar automatikisht pas mos-shprehjes në kohë nga Presidenti.

“Mbetet për t’u parë nëse KED-ja aktuale, që do të jetë ende në punë deri më 31 dhjetor, nëse do të pikëzojë tre kandidatëve ende në shqyrtim për Gjykatën Kushtetuese, ose do të dështojë dhe do t’ia kalojë KED-së së re këtë proces,” – u shpreh gazetari Koçi, i cili shtoi se aktualisht ka pasur vonesa kryesisht prej ankesave në Gjykatën Administrative dhe situata e COVID-19.