Anulohen 4 fluturime drejt Italisë, ofruesit e transportit ajror në grevë për shkak të shkurtimeve të stafit

Autoriteti i Aviacionit Civil ka njoftuar ditën e sotme se janë anuluar 4 fluturime drejt Italisë, të planifikuara për t’u realizuar me datë 6 korrik. Në një prononcim Autoriteti i Aviacionit Civil njoftoi se shkak për anulimin është bërë një grevë e përgjithshme e ofruesve të shërbimit ajror.

Greva po zhvillohet në kompanitë Alitalia, Air Italy dhe Blue Panorama. Mediat italiane kanë shkruar se linjat e mësipërme ajrore në Itali, janë në krizë të rëndë dhe kanë dalë në grevë në mbrojtje të punëtorëve.

Sindikatat kërkojnë kundërshtimin e pushimeve nga puna, sigurimet e duhura shoqërore, fillimin e një reforme për riorganizimin e sistemit të aeroportit dhe rifinancimin e Fondit të Jashtëzakonshëm të Transportit Ajror.

Alitalia njoftoi gjithashtu, se biletat e shitura tashmë në fluturimet e Italisë, nuk do të jenë vlefshme. Fluturimi i parë që anulohet është ai Tiranë-Romë që do niste ne aeroportin “Nënë Tereza” në orën 11.25 paradite. Fluturimet e tjera që anulohen gjithashtu, janë Tiranë-Pisa, Romë-Tiranë dhe Pisa- Tiranë.

LEXONI GJITHASHTU:

• Transporti publik në Greqi, për 24 orë në grevë, pezullime edhe në fluturime
• Grevë e punonjësve të ‘Amazon’ në Itali, u kërkojnë blerësve të bojkotojnë kompaninë gjatë ditës së sotme
• Paralizohet Kosova, transporti urban në grevë, kërkon subvencionet e pandemisë