Anulohen dhjetëra fluturime në aeroportin e Berlinit, shkak një grevë 24-orëshe

Aeroporti Berlin-Brandenburg është mbyllur plotësisht këtë të mërkurë për shkak të një greve 24-orëshe nga sindikata Ver.di. Kjo grevë solli që të gjitha fluturimet u anuluan në kryeqytetin gjerman.

“Që nga mëngjesi i së mërkurës, për shkak të një greve paralajmëruese nga sindikata Ver.di, nuk janë zhvilluar fluturime pasagjerësh në Aeroportin Berlin-Brandenburg (BER) – as ngritje dhe as ulje”, thuhet në një deklaratë.

Sipas operatorit të aeroportit FBB, të mërkurën u anuluan gjithsej 445 nisje dhe mbërritje, duke prekur rreth 57,000 pasagjerë. Pasagjerëve u këshillohet të kontaktojnë linjat ajrore për të rirezervuar bileta ose për të gjetur rrugë alternative.

Greva vjen në mes të negociatave për pagat midis sindikatës Ver.di dhe FBB-së. Sindikata kërkon një rritje të pagave prej rreth 6%, si dhe ditë pushimi shtesë për anëtarët e saj. Drejtori ekzekutiv i Aeroportit të Berlinit e përshkroi grevën si joproporcionale, duke pasur parasysh pasojat e luftës në Iran.

Greva e Ver.di ka prekur edhe Mynihun, ku priten ndërprerje të konsiderueshme në transportin publik. Konkretisht, metroja dhe tramvajet do të operojnë me kufizime të mërkurën dhe nga ora 11:00.