Arabia Saudite mbyll pjesërisht rafinerinë e madhe të naftës

Ministria e Energjisë e Arabisë Saudite njoftoi se ka pezulluar pjesërisht operacionet në rafinerinë masive të naftës, Ras Tanura, pas një sulmi që shkaktoi zjarr në objekt.

Objekti Ras Tanura, i vendosur përgjatë bregdetit lindor të Arabisë Saudite në Gjirin Persik, është një nga rafineritë më të mëdha në Lindjen e Mesme dhe një shtyllë e sektorit të energjisë në këtë vend.

Kapaciteti i saj ditor i rafinimit arrin në 550.000 fuçi naftë.

“Disa njësi operative të rafinerisë u mbyllën si masë paraprake. Kjo nuk ndikon në furnizimin e tregjeve me produkte nafte”, tha një burim zyrtar në Ministrinë e Energjisë në një deklaratë të publikuar nga Agjencia zyrtare e Shtypit Saudit.