Arben Ahmetaj: Mos prisni kompensim çudirash, do shkojmë tek nivelet e pagës minimale

Ministri i Rindërtimit, Arben Ahmetaj deklaron se plani financiar për COVID-19 parashikon ndihma bazike dhe jo kompensim të plotë për pagat. Për biznesin e madh, ministri deklaroi se do të përjashtohet nga plani i ndihmës, gjithashtu dhe një sërë profesionesh të vetë rregulluara, siç janë avokatët, duke thënë se këto kategori duhet të “ushqehen me dhjamin e tyre”.

“Nuk po themi që do të bëjmë kompensim çudirash. Unë po e paralajmëron publikun, do të jenë ndihma bazike sepse kjo është fuqia e Shqipërisë. Po themi që nëse e ke pasur pagën 1 milion lekë dhe kur të kompensohesh, nëse do të kompensohesh kur të vijë koha, merr 1 milion lekë. Jo! Nuk është kështu do të shkojmë tek nivelet e pagës minimale, nëse numrat do të jenë më të kufizuar do të shkojmë tek një pagë e gjysmë minimale apo dy paga minimale”, deklaroi ministri.

Z. Ahmetaj duke folur më tej për këtë çështje tha se, për kompensim do të llogaritet paga bruto dhe se pjesa e sigurimeve do t’i lihet kompanive të punësimit.

“Ne do t’i referohemi borderove zyrtare. Në qoftë se kanë gënjyer kompanitë, keq kompanitë dhe për punonjësit që nuk kanë denoncuar. Sigurime dhe detyrimet shtetërore nuk ndalen, ndryshe Shqipëria do të rrjedhë gjak jo më për një kohë të gjatë, por për një javë merr fund, bëhet kaos”, theksoi ministri.

 

 

 

 

 

View this post on Instagram

 

 

 

 

 

 

 

 

 

 

 

A post shared by Euronews Albania (@euronews_albania) on Mar 20, 2020 at 12:56pm PDT

Ndër për kategorinë e të vetë punësuarve, ministri tha se do të jenë të përfshirë në ndihmën prej 65 milionë dollarë që është në dispozicion për të ndihmuar humbjen e punësimit tek të vetëpunësuar apo ndërmarrjet që kanë humbur zinxhirin ekonomik.