Ardi Veliu mbledh vartësit, në fokus analiza e punës së drejtorive të policisë në qarqe

Këtë të mërkurë, në Drejtorinë e Përgjithshme të Policisë së Shtetit është zhvilluar një takim me të gjithë drejtuesit e drejtorive kriminale në rang drejtorish dhe komisariatesh. Në takim janë analizuar të gjitha të dhënat e qarkores së ngarkuar më herët nga drejtuesi i policisë, Ardi Veliu.

Më konkretisht, në fokus kanë qenë lokalet që frekuentohen nga personat me precedentë kriminalë, informacionet dhe arrestimet e bëra për armëmbajtje pa leje, situatën e kanabisit në vend, hetimet për zbardhjen e ngjarjeve kriminale si dhe operacionet për ndërtimet pa leje.

Mbledhja ka zgjatur për disa orë dhe vjen pak kohë pasi drejtori Ardi Veliu mblodhi drejtuesit e qarqeve, dhe pritet që vartësit e tij të analizojnë çfarë kanë përmbushur nga porositë e dhëna.

Një nga pikat më rëndësishme është ajo e zbardhjes së ngjarjeve kriminale që kanë tronditur vendin, për të cilat ministri i Brendshëm, Bledi Çuçi paralajmëroi dhe një reformim të uniformave blu.

LEXONI GJITHASHTU:

• Katër armë zjarri janë përdorur në vrasjen e katërfishtë në Velipojë
• Shemsi Prençi: Policia ka qenë në dijeni për konfliktin mes dy familjeve në Velipojë