Cilët janë skenarët për të ardhmen e Procesit të Berlinit, sipas ekspertit Haçkaj

E ardhmja e Procesit të Berlinit është e paqartë pas samitit të fundit nën drejtimin e kancelares Merkel.

Ekzistojnë dy skenare për formën që do të marrë Procesi i Berlinit pas këtij samiti, njëri parashikon që ky proces të kalojë nën Kujdestarinë e Bashkimit Evropian, tjetri që të vijojë të jetë nën kontrollin e Gjermanisë, ose shteteve të tjera të BE-së.

Drejtori i Institutit për Bashkëpunim dhe Zhvillim, Ardian Haçkaj tha për Euronews Albania se “pritet që pas takimit të fundit me znj. Merkel, të zhvillohet një proces akoma më i strukturuar në mekanizmat e tij të qeverisjes”.

Ardian Haçkaj theksoi se Procesi i Berlinit ka arritur që t’i sigurojë një konkretizim politik bashkëpunimit rajonal mes vendeve të Ballkanit Perëndimor, si edhe të rikthejë në qendër të vëmendjes rëndësinë që ka projekti i infrastrukturës për zhvillimin e rajonit.

LEXONI GJITHASHTU:

• Merkel nuk bind liderët e Ballkanit, s’ka marrëveshje për diplomat dhe lëvizjen e lirë
• Merkel e sheh si objektiv gjeostrategjik anëtarësimin e Ballkanit Perëndimor në BE
• Procesi i Berlinit, çfarë pritet të sjellë takimi i fundit i kancelares Merkel me kryeministrat e Ballkanit Perëndimor
• Sot takimi i fundit me liderët e Ballkanit Perëndimor, mesazhi i Merkel: Ende nevojitet pajtim