Ariu sulmon një grup me nxënës, 11 të plagosur në Kanada

11 persona u plagosën të enjten pasi një ari sulmoi një grup nxënësish shkolle në një zonë rurale të British Columbia në Kanada. Dy prej personave të plagosue janë në gjendje kritike.

Incidenti ndodhi herët pasditen e së enjtes në një shteg në zonën Bella Coola, rreth 700 km në veriperëndim të Vankuverit. Një nga mësueset që shoqëronte grupin e nxënësve u sulmua më rëndë ndërsa përpiqej të ndërhynte.

Mësuesja u transportua me helikopter në spital. Shërbimet e emergjencës së Nuxalk bëri thirrje për kujdes, duke u kërkuar banorëve të qëndrojnë në shtëpi dhe të shmangin autostradën.

Arinjtë njihen si veçanërisht agresivë gjatë kësaj kohe të vitit, pasi përpiqen të ndërtojnë rezervat e tyre të yndyrës para letargjisë. Arinjtë gri në zonë përgjithësisht letargjinë nga nëntori deri në prill ose maj.

LEXONI GJITHASHTU:

• Humb jetën në shkollë 13-vjeçarja në Greqi, dyshohet se u mbyt me ushqim
• Rrëzohet avion luftarak indian në Dubai, vritet piloti