Arkivol me fytyrën e Mbappe, festa jonormale e argjentinasve në Buenos Aires

Kur kanë kaluar disa ditë nga finalja e kupës së botës fituar nga Argjentina, tifozët vijojnë festën e çmendur në rrugët e Buenos Airesit. Më tepër se 4 milionë qytetarë pritën lojtarët e tyre të zemrës, prej aeroportit e deri në sheshe. Veç kësaj nuk munguan shenjat e urrejtjes ndaj lojtarëve të skuadrës së Francës, ku në qendër ishte Kilian Mbappe.

Festimet shkuan më tepër se kufiri normal, duke bërë veprime aspak të zakonshme për yllin e PSG. Dsa prej fansave dogjën arkivole me foton e 24-vjeçarit, ndërsa pamjet po bëjnë xhiron e botës. Prej kurorëzimit si kampionë të kupës së botës, festimet e argjentinasve kanë qenë të tepruara, madje jo vetëm nga tifozeria, por dhe nga disa prej lojtarëve. Emiliano Martinez, portieri i albiçelestëve ishte i pari që nisi sulmet ndaj lojtarit francez.

Kilian Mbappe shënoi plot 4 gola në finale e madhe të kupës së botës në Katar, teksa 3 prej tyre në 120 minuta lojë dhe 1 në gjuajtjet e 11 metërshave. Argjentina e mposhti Francën në finale, duke siguruar kështu trofeun e 3-të të kupës së botës, triumf të cilin nuk e arrinte prej 36 vitesh.

LEXONI GJITHASHTU:

• “Argjentinasit udhëtonin 20 orë, ishin tifozët më të çmendur”
• Argjentinasit kthehen në Buenos Aires, mijëra tifozë presin kampionët e botës