Arlind Qori: Në vend që të kuptojë shkaqet e revoltës, qeveria thotë t’i trajtojmë me psikologë

Sipas pedagogut Arlind Qori protestat për vrasjen e Klodian Rashës nuk kanë në thelb lidhje vetëm me vrasjen, por me “dhunën sistematike”. Ai tha se qeveria është përpjekur “t’i diabolizojë” të rinjtë, ndërsa kritikoi rëndë qasjen e ministres së Arsimit, Evis Kushi se “adoleshentët s’mund të protestojnë” dhe se “ata kanë nevojë për psikologë”.

“Në vend që të shohim shkaqet shoqërore të kësaj revolte, qeveria thotë gjeni shkaqet psikologjike… pra këta janë njerëz të trazuar në mendtë e kokës… të këtij shpërthimi. Pra ky është një refuzim për ta kuptuar problemin sepse është refuzim, mungesë guximi, imagjinate dhe ndjeshmërie për t’u dhënë zgjidhje problemeve, sepse për t’u dhënë zgjidhje problemeve duhet t’u shkelësh në kallo atyre që të mbajnë [oligarkëve],” – u shpreh Qori.

I pyetur se përse u shfaq tani kjo zemëratë, Qori tha se ngjarja që ndodhi ndaj Rashës ishte momenti i shfryrjes së zemëratës së akumuluar ndër vite me keqtrajtime ekonomike, politike dhe sociale.

Pedagogu i njohur për përfshirjen në protestat qytetare i bëri komentin e tij gjatë një diskutimi në studio me kryetarin e Partisë Demokracia Sociale, Paskal Milo dhe deputeten socialiste Klotilda Ferhati.

Ndiqni të plotë diskutimin:

Lexoni gjithashtu:

Arlind Qori: Protestat për Klodian Rashën pa organizatorë, rezultat i shfryrjes popullore për situatën