Armëpushimi, dalin pamjet nga lirimi i pengjeve të parë izraelitë nga Hamasi (FOTO)

Kanë dalë pamjet e para nga lirimi i pengjeve izraelite që mbaheshin nga Hamasi, i cili po realizohet në bazë të një marrëveshje 4 ditore armëpushimi.

Sipas mediave të huaja, pamjet tregojnë një kolonë të Kryqit të Kuq duke transportuar pengje përmes kalimit Rafah nga Gaza në Egjipt.

Mësohet se ditën e sotme 13 pengje izraelite janë liruar nga Hamasi si pjesë e marrëveshjes.

Ndërkohë sipas Sky News, 10 shtetas tajlandez dhe një peng filipinas janë liruar gjithashtu nga Hamasi. Pengjet tajlandezë dhe filipinas u liruan si pjesë e një marrëveshjeje të veçantë me Hamasin e ndërmjetësuar nga Katari dhe Egjipti, tha një burim për Reuters.

Kombësia e pengjeve që shfaqet në autokolonë në video nuk është e qartë. Ata ishin mbajtur robër për 49 ditë.

Dy pengje izraelite të liruar janë Adina Moshe, 72 vjeç dhe Margalit Moses, 78 vjeç.

Po ashtu, Ministria e Jashtme e Katarit ka thënë se 39 gra dhe fëmijë palestinezë që u ndaluan në burgjet izraelite janë liruar.

Ata pritet të kthehen në Bregun Perëndimor dhe Jerusalemin lindor.

Ky është grupi i parë prej gjithsej 150 të burgosurish palestinezë që pritet të lirohen në ditët në vijim.

LEXONI GJITHASHTU:

• Sot nisi armëpushimi, 13 pengje izraelite të mbajtur nga Hamasi nisen për në Egjipt
• Pallati i Versajës evakuohet pas kërcënimit me bombë, alarmi i shtatë në tetë ditë

FOTOT: