“Armiku ynë është një”, udhëheqësi suprem i Iranit flet pas lutjeve të së premtes

Lideri suprem i Iranit, Ajatollah Ali Khamenei pas faljes së namazit këtë të premte u është drejtuar qytetarëve të Teheranit me një fjalim të rrallë. Ky fjalimi i tij vjen pas sulmit raketor që Irani kreu ndaj Izraelit.

Khamenei tha se politikat e armikut, duke iu referuar Izraelit, synojnë përçarje dhe rebelim mes myslimanëve.

“Politikat e miratuara nga armiku ynë janë mbjellja e farës së përçarjes dhe rebelimit, për të futur pykë mes të gjithë muslimanëve. Ata janë të njëjtët armiq për palestinezët, libanezët, egjiptianët dhe irakianët. Ata janë armiku i popullit jemenas dhe sirian”, tha udhëheqësi suprem i Iranit para turmës së madhe.

Khamenei tha gjithashtu se sulmi i Hamasit më 7 tetor në jug të Izraelit dhe sulmi i fundit i Iranit me raketa balistike ishin “të ligjshme dhe legjitime”.

“Secili vend, çdo popull ka të drejtën përfundimtare për të mbrojtur veten kundër tiranisë përfundimtare,” tha Khamenei.

Khamenei mbajti predikimin e tij të parë në gati pesë vjet për mijëra besimtarë që mbanin portrete të liderëve të vrarë të “boshtit të rezistencës” të Iranit kundër Izraelit dhe Shteteve të Bashkuara.

LEXONI GJITHASHTU:

• Khamenei: Votuesit që bojkotuan zgjedhjet nuk janë kundër republikës islamike
• “Ata sulmuan territorin tonë”- Khamenei zotohet për hakmarrje ndaj Izraelit