Shtatë efektivë të nivelit bazë në komisariatin numër 1 në Tiranë janë proceduar penalisht në gjendje të lire për shpërdorim detyre nga Shërbimi i Çështjeve të Brendshme, lidhur me arratisjen e 30-vjeçarit Rilion Lala një ditë më parë.

Ata dyshohet se kanë shkelur procedurat standarde të punës të vendosur në rastet e shoqërimit të të arrestuarve nga dhomat e izolimit në ambientet e tjera.

Rilion Lala u arratis nga komisariati mëngjesin e së hënës teksa po dërgohej për marrjen e shenjave të gishtërinjve pasi do të njihej me masën e sigurisë në gjykatën e Tiranës.