Arrestohen 2 autorët e dyshuar të plagosjes së dyfishtë në kryeqytet

Policia ka arrestuar 2 autorët e dyshuar të ngjarjes së djeshme në kryeqytet, ku mbetën të plagosur Aleksandër Nikolli dhe Xhulio Vela.

Në prangat e policisë kanë rënë Farjon Palushi dhe Daniel Manushi, me precedent penal, si dhe është shpallur në kërkim Islam Xhetani.

Ndërkohë është arrestuar edhe njëri prej të plagosurve, Aleksandër Nikolli për veprën penale “Moskallëzim i krimit”.

Ngjarja dyshohet se ka ndodhur si pasojë e një konflikti të çastit për motive të dobëta, midis autorëve të dyshuar dhe shtetasve të plagosur.

Në vendngjarje është sekuestruar edhe një armë zjarri tip pistoletë.

LEXONI GJITHASHTU:

• Të shtëna me armë në Tiranë, dy persona të plagosur