Arrestohen në Kosovë 7 punonjës të Agjencisë për Zhvillimin e Bujqësisë

Shtatë punonjës të Agjencisë për Zhvillimin e Bujqësisë në Kosovë janë vënë në pranga.

Korrespodenti i Euronews Albania në Kosovë, Kosovë Gjoci raportoi se akuzat që rëndojnë mbi 7 të arrestuarit kanë të bëjnë me keqpërdorim të detyrës zyrtare, marrje të ryshfetit, keqpërdorim të fondeve apo subvencioneve.

Ky operacion policor te Ministria e Bujqësisë është vazhdimësi e operacionit të 24 shkurtit të këtij viti “Subvencionet 2021”, i cili u zhvillua gjatë kohës që në detyrës ishte kryeministri Avdullah Hoti.

Në operacionin e parë, u arrestuan 12 persona, ndërkohë që hetimet kanë vazhduar, duke sjellë edhe arrestimin e 7 punonjësve të tjerë.

LEXONI GJITHASHTU:

• “Skandalet e EULEX në Kosovë”, ish-gjyqtari pritet të dëshmojë në Parlament
• Festa e Vidovdanit, Policia e Kosovës shmang incidentet dhe provokimet
• Mbërrijnë ​në Kosovë dozat e para “Pfizer” të blera nga qeveria Kurti