Arrestohet ish-kryeministrja e Skocisë për financime të paligjshme të partisë

Ish-Kryeministrja e Skocisë, Nicola Sturgeon, është arrestuar si pjesë e hetimit të policisë për financat e Partisë Kombëtare Skoceze (SNP), duke u bërë zyrtari i fundit më i lartë i SNP-së që merret në pyetje.

Në një deklaratë, Policia e Skocisë tha se gruaja 52-vjeçare u arrestua këtë të dielë, 11 qershor 2023, si e dyshuar në lidhje me hetimin në vazhdim për financimin e paligjshëm të Partisë Kombëtare Skoceze.

“Gruaja është në paraburgim dhe po merret në pyetje nga detektivët e Policisë së Skocisë”, tha policia.

Policia tha se nuk është në gjendje të komentojë më tej pasi ajo wshtw ende nwn hetim.

Burri i saj, ish-shefi ekzekutiv i SNP, Peter Murrell, u arrestua dhe u lirua në fillim të këtij muaji , i ndjekur nga arkëtari i grupit, Colin Beattie, dhe oficerët kanë bastisur selinë e partisë në Edinburg.

52-vjeçarja Sturgeon, njoftoi papritmas dorëheqjen e saj si Kryeministre në shkurt, pas një periudhe nëntëvjeçare në të cilën ajo u bë kryetarja e Lëvizjes për Pavarësinë e Skocisë nga Mbretëria e Bashkuar.

LEXONI GJITHASHTU:

• Në makinë me një shqiptar, i bëhet atentat djalit të bosit të mafias në Itali
• Lëvizte në Tiranë i armatosur, arrestohet 31-vjeçari dhe shoku i tij