Arrestohet kreu i PSD në Kosovë, ndërpreu konferencën e zyrtares së Hagës

Kreu i Partisë Socialdemokrate në Kosovë, Dardan Molliqaj dhe një aktivist i kësaj partie janë arrestuar të martën nga policia e Kosovës.

KosovaPress thotë se dy aktivistët kanë penguar konferencën për media që po mbante kryetarja e Gjykatës Speciale, Ekatarina Trandafilova.

Ndërkohë, aktivistë të tjerë kanë vendosur mbishkrimin “Non Grata” në automjetin e EULEX. Mes të arrestuarve është edhe Daradan Molliqaj, kreu i PSD.

Partia Socialdemokrate ka kërkuar lirimin e aktivistëve të arrestuar gjatë aksionit që u mbajt këtë të martë jashtë objektit ku po mbahej konferenca e kryetares së Gjykatës Speciale, Ekaterina Trendefilova.

PSD ka publikuar disa foto të të arrestuarve cilët sipas këtij subjekti janë dhunuar nga policia.