Arrestohet në Durrës 25-vjeçari me 6 kg kanabis dhe armë me vete

Një 25-vjeçar është arrestuar nga policia e Durrësit pasi është gjetur me armë pa leje dhe një sasi lënde narkotike kanabis sativa.

Burime nga policia e qytetit bregdetar thonë se Elton Maxhaku, 25 vjeç, banues në Durrës është arrestuar gjatë operacionit të koduar Selekt.

Policia thotë se ka ndaluar në lagjen nr. 2, Durrës, mjetin tip taksi me të cilën ky shtetas e kishte pronotuar për të lëvizur. Gjatë kontrollit të ushtruar në bagazhin e mjetit tip taksi, shërbimet e Policisë gjetën  rreth 6 kg lëndë narkotike kanabis sativa e presuar dhe 1 armë zjarri (pushkë), të cilat u sekuestruan në cilësinë e provës materiale.

Vijon puna për identifikimin e personave të tjerë të përfshirë në këtë veprimtari kriminale.

LEXONI GJITHASHTU:

• Bllokohen mbi 10 mijë euro dhe një sasi ilaçesh në Durrës
• Pajisnin pa licencë, udhëtarët me teste të shpejta për COVID-19, 5 të arrestuar në Durrës