Arrestohet në Morinë serbi në kërkim ndërkombëtar

Një shtetas serb është arrestuar nga policia shqiptare pasi ishte shpallur në kërkim ndërkombëtar, për veprën penale “Prodhimi dhe shitja e narkotikëve”.

Policia tha se shtetasi serb Dejan Stanojevic, 49 vjeç, banues në Ferizaj është arrestuar në  Pikën e Kalimit Kufitar, Morinë pasi gjatë përpunimit dhe verifikimit të të dhënave në sistem, ky shtetas ka rezultuar i shpallur në kërkim ndërkombëtar nga Interpol Beogradi, Serbi.

Gjykata e Lartë e Beogradit, e ka dënuar me 5 vjet e 6 muaj burgim, për veprën penale “Prodhimi dhe shitja e narkotikëve”, parashikuar nga legjislacioni penal i Serbisë.

Arrestimi i këtij shtetasi është bërë me qëllim ekstradimin e tij drejt Serbisë.

LEXONI GJITHASHTU:

• Mbi 33 kg kokainë, arrestohet administratori, në kërkim presidenti i kompanisë
• I kërkuar në Itali për vrasje të punonjësve të Policisë, arrestohet ‘UFO’ në Tiranë