Arrestohet një i dyshuar për përdhunimin e një turisti amerikan në qendër të Parisit

Një 23-vjeçar është arrestuar pasi dyshohet se nën efektin e alkoolit ka përdhunuar një qytetare, tha Zyra e Prokurorit të Parisit për CNN.

Autoritetet nuk e kanë bërë të ditur emrin dhe kombësinë e të dyshuarit. Hetimi ka nisur të martën.

Gruaja, një turiste amerikane 27-vjeçare, u përdhunua fundjavën e kaluar në një banjë publike në lagjen e 4-të në qendër të Parisit, tha një burim i afërt me rastin për CNN. Burimi ka folur në kushte anonimiteti për shkak të normave profesionale.

Policia franceze nuk pranoi t’i tregonte CNN se kur u bë arrestimi pasi çështja është tashmë në proces ligjor.

Zona e sulmit është një pikë e nxehtë turistike ku mund të gjenden shumë monumente të famshme në kryeqytetin francez, duke përfshirë Notre Dame dhe Center Pompidou.

Parisi ka kryer operacione speciale policore pranë atraksioneve kryesore këtë verë.

LEXONI GJITHASHTU:

• Lihet në qeli 37-vjeçari që akuzohet për përdhunimin e të miturës