Arrestohet një nga autorët e plagosjes së biznesmenit në Sarandë

Është vënë në pranga një nga autorët e plagosjes së biznesmenit, Spiro Iljadhi në Sarandë, ngjarje që ndodhi në orët e para të ditës së djeshme.

Autori i dyshuar është 33-vjeçari nga Tepelena, Redjan Haderi, i cili mësohet se ka pranuar krimin para oficerëve të policisë, ndërsa ka deklaruar se gjithçka ndodhi si pasojë e një konflikti të çastit.

Policia e Sarandës në bashkëpunim me atë të Gjirokastrës dhe Tepelenës janë ende në operacion për kërkimin e dy bashkëpunëtorëve të 33-vjeçarit, i cili rezulton të ketë precedent të mëparshëm penal.

Në këtë ngjarje mbeti i plagosur edhe një i ri, shtetas shqiptaro-amerikan.

LEXONI GJITHASHTU:

• Plagoset me armë zjarri pronari i lokalit të natës dhe pushuesi në Sarandë, zbulohen autorët