​Arrestohet një person për krime lufte në Pejë

Prokuroria Speciale e Kosovës arrestoi të hënën M.D. nga Vitomirica e Pejës, i nacionalitetit malazez – shtetas i Kosovës, për shkak të dyshimit se ka kryer veprën penale krim i luftës kundër popullsisë civile.

Rasti ka të bëjë me ofensivën e forcave ushtarake, policore dhe paramilitare serbe të datës 07.05.1999 në regjionin e Pejës, ku dyshohet se u vranë 9 civilë të nacionalitetit shqiptar dhe janë zhdukur 5 persona të tjerë, po ashtu civilë shqiptarë.

Me urdhër të Prokurorit të Shtetit, i pandehuri gjendet nën masën e arrestit dhe ndalimit policor, për t’u dërguar para Gjyqtarit të Procedurës Paraprake, brenda afatit ligjor.

LEXONI GJITHASHTU:

• Serbia nuk po i njeh krimet e kryera gjatë luftës në Kosovë, thotë Kurti