Arsimtarët në RMV paralajmërojnë grevë, kërkojnë rritje pagash me 18%
Arsimtarët i kanë dhënë afat Qeverisë së Maqedonisë së Veriut deri më 11 prill për t’ua rritur pagat me 18 për qind ose në të kundërtën do të nisin grevë masive.
Paralajmërimi është bërë nga Sindikatat e Arsimit, të cilët thonë se pagat e mësuesve janë nën mesataren në nivel shtetëror.
Ata do të shkojnë në punë, por nuk do të zhvillojnë mësim.
“Gjatë viteve të fundit paga minimale është rritur vazhdimisht ndërsa pagat tona janë rritur minimalisht. Kemi situatë kur një mësimdhënës që ligjëron në shkollë fillore apo të mesme merr pagë afër asaj minimale, ndërsa në çerdhe ka paga nën apo afër minimales që është shumë e pahijshme për një kuadër të tillë”, thotë Zenafer Bajmak, profesor gjimnazi.
Profesori Bajmak i cili punon si profesor i matematikës mbi 25 vite thotë se ndjenja e profesorëve është se janë të degraduar dhe kanë nevojë të ndjehen të vlerësuar.
“Presim ndonjë zgjidhje të denjë për neve që të mund të shkojmë lirshëm në punë pa u ndjerë të degraduar, dhe të mund të shkojmë në shtëpi me krenari te fëmijët dhe tu themi se punojmë diçka me të cilën mund të jetojmë jetë normale”, shprehet Bajmak.
Qeveria ka treguar gatishmëri për dialog por ende nuk ka dhënë përgjigje konkrete nëse do ketë rritje dhe sa do jetë.
LEXONI GJITHASHTU:
Rreth 90 serbë dëbohen nga aeroporti i Tivatit, policia malazeze i cilëson rrezik për sigurinë
Costa takohet edhe me Osmanin, në fokus hapat e Kosovës drejt integrimit evropian
PZAP gjobit Vetëvendosjen me 5,100 euro për përfshirjen e një fëmije në fushatë zgjedhore
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta