Art në qytet, disa të rinj në Vlorë pikturojnë muralen e parë

Figura të spikatura të artit, por jo vetëm, të jetësuar përmes pikturave të nxënësve të shkollës së mesme “Naim Frashëri” në Vlorë janë realizuar në një lagje të Vlorës.

Me pasionin dhe energjinë që i karakterizon i kanë dhuruar qytetit, murales-in e parë shumëngjyrësh dhe domethënës.

 “Kjo inisiativë ishte ideja jonë për shkak se donim t’i jepnim një pamje tjetër një lagjeje të Vlorës, t’i jepnim më shumë ngjyra, më shumë gëzim,” – u shpreh një nga vajzat.

Të rinjtë tregojnë arsyen se përse zgjodhën lagjen e ‘7 pallatave’ në Vlorë për të shpalosur talentin e tyre.

“Sepse kjo lagje është një lagje speciale, ku ndodhet shtëpia e fëmijës, fëmijët që duan më shumë suport dhe dashuri dhe duke kaluar këtu ne presim që ata të buzëqeshin dhe të thonë që dikush na do,” – tha njëra nga nxënëset.

Kanë punuar për gati një muaj shpesh edhe gjatë orëve të natës.

Me guximin e moshës dhe dashurinë për artin dhe qytetin, artistët e shkollës “Naim Frashërit” e thonë pa frikë se janë të kënaqur për çfarë kanë realizuar.

LEXONI GJITHASHTU:

• 3 murale të reja në Tiranë| Coca-Cola, pjesë e zhvillimit kulturor në qytet