Artistët e pavarur shqiptarë kërkojnë ndihmë nga qeveria për të përballuar COVID-19

Pandemia globale e COVID-19 nuk po shoqërohet vetëm me pasoja sociale, por edhe ekonomike. Artistët e sektorit të pavarur të Shqipërisë i janë drejtuar me një letër të hapur kryeministri Edi Rama, ku i kërkojnë mbështetje financiare, pasi si rezultat i mbylljes së aktivitetit, të ardhurat e tyre nuk mjaftojnë për të vijuar krijimtarinë dhe jetesën në kushte optimale.

Në letrën publike të tyre, artistët e pavarur shqiptarë pohojnë se janë taksapagues të vendit, ndërsa Kushtetuta shprehen ata u garanton mbështetjen në situata emergjente.

Ata theksojnë më tej se vendet e tjera të Evropës e kanë përfshirë si mes prioriteteve kryesore të qeverive përkatës mbështetjen financiare të artistëve. Artistët e pavarur shqiptarë theksojnë se nuk duan të ikin nga vendi që të garantojnë jetesën, por duan ndihmën e autoriteteve shtetërore shqiptare, që t’u garantojë kushte jetese në vendin ku janë lindur e rritur.

Deri tani qeveria ka prezantuar dy paketa ndihmuese për situatë e pandemisë globale të COVID-19, ndërsa në varësi të situatës, kryeministri Edi Rama ka paralajmëruar prezantimin e një pakete të tretë.