Në Angli, infektimi i dhjetëra lojtarëve nga COVID-19 ka detyruar skuadrat e Aston Villa-s dhe Derby-it që të aktivizojnë ekipet e moshave në përballjet e vlefshme për Kupën e Federatës.

Aston Villa përballet sot me kampionët e Anglisë, Liverpoolin. Nëse kjo ndeshje do të ishte në rrethana të zakonshme klubi do të kishte angazhim maksimal për të synuar vijimin më tej, mirëpo rrethanat nuk janë të zakonshme.

Të enjten Villa mbylli qendrën sportive pas “infektimit në seri” të 14 anëtarëve të skuadrës së parë, dhjetë prej të cilëve futbollistë të ekipit kryesor.

Aston Villa can confirm that the #EmiratesFACup Third Round tie with Liverpool will be played at Villa Park this evening (7.45pm KO). ? pic.twitter.com/euhAuRSvF7

— Aston Villa (@AVFCOfficial) January 8, 2021

Trajneri Dean Smith, asistentët e tij John Terry, Craig Shakespeare dhe Richard O’Kelly do të mungojnë gjithashtu.

Për shkak të kësaj situate ndeshja u vu në diskutim nëse do të luhej apo jo, por klubi i Villas ka vendosur të luajë me futbollistë nga ekipet e U-23 dhe U-18.

Skuadra do të drejtohet nga trajneri i U-23 Mark Delaney, i cili ka qenë futbollist i Aston Villa-s për 8 sezone nga viti 1999-2007. Vendimi u mor pas garancive që u dhanë nga stafi mjekësor prej faktit se të rinjtë stërviten në një impiant tjetër sportiv ndryshe nga skuadra e parë.

Njësoj si skuadra e Aston Villa-s edhe Derby do të aktivizojë të rinjtë përballë Chorley-is të shtunën.