Vajza e një aleati të ngushtë të presidentit rus Vladimir Putin ka humbur jetën pas shpërthimit të makinës së saj në periferi të Moskës.

Darya Dugina vdiq pasi makina e saj shpërtheu teksa po udhëtonte për në shtëpi, sipas komiteti hetimor të Rusisë, shkruan BBC.

Mendohet se objektivi i synuar i sulmit mund të ketë qenë babai i saj, filozofi rus Alexander Dugin, i njohur si “truri i Putinit”.

Dugin është një ideolog i shquar ultra-nacionalist që besohet të jetë i afërt me presidentin rus.

Alexander Dugin dhe vajza e tij ishin ftuar si të ftuar nderi në një festival në një pronë afër Moskës, ku filozofi dha një leksion.

Ata do ktheheshin nga ngjarja të shtunën në mbrëmje me të njëjtën makinë përpara se Dugin të merrte vendimin për të udhëtuar veçmas nga vajza e tij në minutën e fundit.