Atentati me eksploziv në Kamëz ndaj Gjon Menas, pranga Gjergji Cukalit dhe dy të tjerëve

Policia ka vënë në pranga tre persona të dyshuar për tentativën e vrasjes me eksploziv të Gjon Menas në Kamëz.

Gazetari i Euronews Albania, Merin Maçi raporton se në mesin e të arrestuarve është Gjergji Cukali, i cili rezulton i dënuar më parë për veprat penale të ‘Rrëmbim personi’ ‘Vrasje me paramendim’, ‘Prodhimit dhe shitjes së lëndëve narkotike’ dhe ‘Mbajtjes pa leje të armëve dhe municioneve luftarake’.

Po ashtu në lidhje me këtë ngjarje janë prangosur dy kushërinjtë Enver J., 33 vjeç, dhe Edmond J., 24 vjeç, lindur dhe banues në Tiranë.

Sipas burimeve, Gjergji Cukali ka dyshime se u ka dhënë 40 mijë euro dy kushërinjve për të kryer atentatin ku fatmirësisht pati vetëm dëme materiale. Ndërkaq burimet po ashtu theksojnë se Cukali mendohet se është paguar për organizimin e vendosjes së tritolit.

Gjon Menas më 9 shkurt i kishin vendosur lëndë eksplozive poshtë makinës tip “BMw X5”. Si pasojë e shpërthimit të lëndës plasëse, Mena mori dëmtime të lehta në të dyja këmbët. Pas ngjarjes Mena u dërgua për trajtim mjekësor në spital, ndërsa pasi mori shërbimin u dërgua në shtëpi.