Atmosferë Krishtlindjesh në Kosovë, dom Marjan Topalli: Mesha do të mbahet në mesnatë, do respektohen masat

Zëvendës-famulltari i Katedrales “Nënë Tereza”, dom Marjan Topalli u shpreh për Euronews Albania se në Kosovë pavarësisht situatës së pandemisë ka atmosferë Krishtlindjesh.

“Sa i përket kësaj periudhe ku po jetojmë natyrisht që nuk është e lehtë për askënd dhe është një sfidë me madhe, por feja na jep shpresë dhe guxim dhe këtë vështirësi, pengesë që na ka gjunjëzuar, na bën që të ngrihemi dhe të shkojmë drejt Krishtlindjes. Atmosfera është e mirë, e ngrohtë, dallon nga vitet e mëparshme, këtu vazhdon të jenë njerëzit e përgatitur, ne përgatitemi për 4 javë radhazi”, u shpreh dom Marjan Topalli.

Ai tregoi më tej se meshat e Krishtlindjes në Kosovë do të mbahen në orën 00:00 në mesnatë, ku do të respektohet edhe masat anti-COVID.

“Meshat do të mbahen sikur vite më parë, në orën 24:00 në mesnatë, në të gjitha kishat dhe në katedralet. Sigurisht që ne do t’i përmbahemi të gjitha masave që janë të domosdoshme dhe në të gjitha kishat dhe në katedralet do të ketë tunel dezinfektimi dhe masat mbrojtëse”, u shpreh ai.

Lexoni gjithashtu:

Krishtlindja mes kufizimeve nga COVID, Thoma Çomëni: Mesha ortodokse në mëngjes, por e pamundur pa praninë e besimtarëve në kishë

Festa e Krishtlindjes/ Kryepeshkopi Janullatos uron besimtarët: Të kremtojmë me thjeshtësi, vaksina do na nxjerrë nga robëria e COVID