Autoritetet nisin hetimin për “sulmin” me topa dëbore ndaj oficerëve të policisë në Nju Jork

Policia e qytetit të Nju Jorkut njoftoi të martën se ka nisur një hetim për të identifikuar autorët e një “sulmi” me topa dëbore kundër oficerëve të policisë.

Pamjet që qarkullojnë në internet tregojnë oficerë policie me uniformë që janë në shënjestër e dhjetëra të rinjve, të cilët hedhin topa bore drejt tyre ndërsa kalojnë Parkun Washington Square.

Një zëdhënëse e Departamentit të Policisë së Nju Jorkut, Jessica Tisch tha se disa oficerë policie u dërguan në spital me ambulancë për të marrë ndihmën e parë.

Ajo e ka cilësuar ngjarjen si të turpshme dhe kriminale. Guvernatorja e shtetit të Nju Jorkut, Kathy Hochul, gjithashtu e dënoi incidentin.

“Nuk është kurrë e pranueshme që dikush të hedhë diçka drejt një oficeri policie, pikë”, theksoi ajo.