Avionë luftarakë pakistanezë vendosen në Arabinë Saudite

Avionë luftarakë pakistanezë janë dislokuar në Arabinë Saudite në kuadër të një pakti mbrojtës mes dy vendeve, njoftoi të shtunën Ministria e Mbrojtjes e Arabisë Saudite.

Sipas një postimi të ministrisë në rrjetin X, një forcë ushtarake nga Pakistani ka mbërritur në Bazën Ajrore King Abdulaziz, e vendosur në Provincën Lindore të vendit.

Forca përfshin avionë luftarakë si dhe mjete ajrore mbështetëse nga Forcat Ajrore Pakistaneze.

Kjo konsiderohet si aktivizimi i parë i një marrëveshjeje të rëndësishme mbrojtjeje ndërmjet dy shteteve, e nënshkruar vitin e kaluar dhe e njohur si Marrëveshja Strategjike e Mbrojtjes së Ndërsjellë (SMDA).