Avioni kryen ulje të detyrueshme në pistën e aeroportit ‘Nënë Tereza’

Një avion me një familje prej katër personash në bord bëri sot ulje të detyruar në pistën e aeroportit “Nënë Tereza” duke pezulluar përkohësisht fluturimet.

Ngjarja ndodhi në orën 16:15 ku avioni i vogël tip “Beechraft”, i regjistruar në Zvicër, njoftoi për një avari në sistemin e rrotave.

Avioni ishte nisur nga Venezia dhe kishte si destinacion Tiranën.

Aeroporti “Nënë Tereza” njoftoi se fatmirësisht familja nuk pati lëndime serioze nga ulja e detyruar. Atyre iu dha ndihma e parë menjëherë dhe “të katërt gëzojnë shëndet të plotë”.

Pas lajmërimit të “Organit Kombëtar të Investigimit të Incidenteve Ajrore” dhe kryerjes së hulumtimit në zonën e pistës, avioni u zhvendos nga pista.

Kjo detyroi për rreth 1 orë e 45 minuta pezullimin e përkohshëm të operimet të aeroportit.

Prej pasdites fluturimet kanë rifilluar normalisht.