Dhomat e avokatisë kundërshtojnë propozimin për hartën e re gjyqësore. Avokatët kundërshtojnë shkrirjen e 5 gjykatave të apelit ne një të vetme në Tiranë.
“Nuk mund të kalojmë nga ekstremi në ekstrem, nga 6 Gjykata Apel të shkojmë në 1 edhe nga pikëpamja e strukturës dhe e realizimit të funksioneve është shumë e vështirë”, tha avokati Maks Haxhia.
Edhe krerët e shoqatave të avokatëve në Kurbin , Lushnje e Sarandë kundërshtuan mbylljen e gjykatave në këto rrethe. Ministri i drejtësisë i kërkoi të shikojnë përtej interesit të tyre.
“Pse është gjithë ky diskutim secili sikur mbron sinoret e veta? Nuk janë gjykatat për të qenë sinore të avokatëve, janë aty për t’u shërbyer qytetarëve, dhe nuk ka dy palë aty; ju që paskeni merakun e qytetarëve dhe ne që kemi përgjegjësi për këtë punë s’e paskemi merakun e qytetarëve”, replikoi ministri Manja.
Harta e re gjyqësore është në fazën e konsultimit publik dhe në projekt thuhet se është mbajtur parasysh interesi i qytetarëve për aksesin në drejtësi. Shkak për këtë hartë të re u bë mungesa e gjyqtarëve si pasojë e vetingut.
LEXONI GJITHASHTU:
