“Babi është këtu”- pamjet emosionuese kur nxirret vajza e vogël nga rrënojat

Pamje emocionues janë shfaqur në mendiat ndërkombëtare nga aksioni i kërkim shpëtimit në Siri.

Një video e publikuar nga Skynews tregon momentin kur shpëtohet një vajzë e vogël e mbetur nën rrënoja.

Ekipet e emergjencave pastrojnë me duar inertet e rëna dhe ajo nxirret jashtë në gjendje të mirë shëndetësore.

Babai dëgjohet duke i thënë vajzës së tij të vogël, Nour, “Babi është këtu, mos ki frikë”, ndërsa ekipi i kërkim-shpëtimit hyn nëpër shkëmbinj për ta nxjerrë atë nga thellësitë poshtë.

Vullnetarët nga Mbrojtja Civile Siriane, të njohur si Helmetat e Bardha, shihen duke i thënë Nourit që “të shikojë nga babai i saj” ndërsa e nxjerrin me kujdes nga rrënojat.

Fytyra e saj e mbuluar me pluhuri del nga rrënojat në qytetin e Jinderis të kontrolluar nga opozita, në veri të Aleppos.

Ekipet e shpëtimit punuan gjatë natës në temperatura jashtëzakonisht të ftohta duke kërkuar për më shumë të mbijetuar pas tërmetit 7.8 ballë që goditi rajonin të hënën në mëngjes.

Më shumë se 5 mijë persona kanë vdekur, ndërkohë që shumë të tjerë që dyshohet se janë bllokuar nën rrënoja në Turqi dhe Siri.

Për të parë videon kliko këtu (VIDEO)

LEXONI GJITHASHTU: 

• VIDEO/ Momenti kur ndërtesat e reja shumëkatëshe shemben njëra pas tjetrës në Turqi
• “Fshati u zhduk”- shqiptarja nga Turqia: Nuk ka asnjë kontakt me 60 mijë banorët aty
• Parashikoi tërmetin, kush është studiuesi holandez. Çfarë deklaroi pas tragjedisë