Skuadra e Bajernit të Mynihut e ka nisur në mënyrën më të mirë kampionatin në këtë rikthim pas Ligës së Kombeve.
Bavarezët patën një ndeshje të vështirë në letër ndaj Leverkusenit, por që në të vërtetë rezultoi një seancë stërvitore. Skuadra e Nagelsman dominoi plotësisht takimin, duke mos i lënë asnjë mundësi kundërshtarit.
Musiala, padyshim ishte heroi i skuadrës me një gol dhe një assist. Ndërkohë tre golat e tjerë u shënuan nga Sane, Mane dhe Muller, i cili përfitoi nga një gabim i portierit të aspirinave.
E gjithë sfida foli për skuadrën nga Mynihu, e cila e mbylli pjesën e parë në avantazhin e trefishtë, ndërkohë që administroi mjaft mirë dhe në të dytën, duke mos i dhënë asnjë shans kundërshtarit.
Bajerni vinte nga 4 ndeshje pa fitore, ndërkohë tashmë duket se janë kthyer në formën e mëparshme dhe gati për përmbushjen e objektivave.
3 ditë më, pas rikthehet Champions League, ku gjermanët do të presin në Mynih Viktoria Plzen, e cila deri më tani nuk ka asnjë fitore në kompeticion.
LEXONI GJITHASHTU
- Presidenti i FIFA-s në Kosovë, kujton legjendën e futbollit kosovar Fadil Vokrri
- Një gjerman për Bayernin, bavarezët të pakënaqur me blerjet
- Flamurtari kërkon fitoren me Besën, vlonjatët renditen në vendin e pestë
