Gazetari sportiv, Ervin Baku thotë se kombëtarja shqiptare ka një brez fantastik lojtarësh, por trajneri Edi Reja ka stil të vjetër.

Në një intervistë për “Euronews Albania’, Baku u shpreh se mungesat nuk e justifikojnë paraqitjen e dobët të kuqezinjve në ndeshjen ndaj Izraelit.

“Kishim shumë mungesa, por kjo nuk e justifikon performancën e dobët të kombëtares. Unë kam përshtypjen që ne kemi një brez fantastik aktualisht, por kemi një trajner me stil të vjetër. Një trajner që thotë Broja nuk është ende gati, do të thotë që ti nuk je trajner.

Një ekip që luan pa të majtë, Hysaj është mbrojtës i djathtë, ndërkohë që ti kishte lojtarë të majtë, Lenjanin rezervë, Trashi. Ke në kampionatin shqiptar lojtarë që po bëjnë shumë mirë, merri dhe shftyrëzoji. Kam përshtypjen që kontrata e tij që përfundon në nëntor, nuk do të rinovohet”, theksoi Baku.

LEXONI GJITHASHTU

• Reja pas ndeshjes me Izraelin: Gjithmonë bëjmë gabime individuale
• Shuhen shpresat e Shqipërisë për në Ligën e Kombeve, kuqezinjtë mposhten nga Izraeli
• Foto-lajm/ Polici izraelit bën shqiponjën me tifozët shqiptarë