Pamjet kur makina përplas efektivin e policisë te vizat e bardha

Janë publikuar pamjet e përplasjes së efektivit të policisë teksa kalonte në vizat e bardha një ditë më parë në qytetin e Durrësit.

Në videon e siguruar nga Euronews Albania shihet efekti i policisë teksa kontrollon rrugën teksa kalon në vizat e bardha kur një makinë që vjen me shpejtësi e ngre në ajër.

Ngjarja ndodhi përpara Drejtorisë Vendore të Policisë në qytetin bregdetar.

Ministri i Brendshëm Taulant Balla i cili vizitoi punonjësin e Policisë në spital tha se fatmirësisht punonjësi është mirë e pas pak kohësh do t’i bashkohet shokëve në detyrë.

Balla kërkoi të rritet ndëshkueshmëria ndaj shkelësve të rregullave të qarkullimit rrugor.